Talantty jastarǵa «Daryn» úkimettik syılyǵyn tapsyrý rásimi Astanada ótedi

Bul týraly búgin ótken brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

1-27 qazan aralyǵynda QR Bilim jáne ǵylym mınıstrligi laýreattardy tańdaýdy júrgizgen. Oblystyq jáne qalalyq jastar uıymdarynyń ókilderi, oblystyq jastar máslıhatynyń depýtattary, JOO-ǵy jastar isi boıynsha komıtetterdiń tóraǵalary ǵylym, óner nemese qoǵamdyq ómirde erekshelengen kandıdattaryn usyndy.

Ár jyldary olardyń ıegerleri qatarynda elimizdegi tanymal tulǵalar: Bahtııar Artaev, Ilıa Ilın, Olga Shıshıgına, Meıram Begentaev, Rınat Kertaev, Bekbolat Tileýhan, Nurlan Ónerbaev, Qydyráli Bolmanov, Erbolat Qudaıbergenov jáne taǵy basqalary boldy.

Syılyq eki jylda bir ret 10 atalym: ǵylym, ádebıet, jýrnalıstıka, sport, halyq shyǵarmashylyǵy, dızaın jáne beıneleý óneri, estrada, teatr jáne kıno, klassıkalyq mýzyka, qoǵamdyq jumystar boıynsha beriledi.