Talantty sportshylar aýyldan shyǵady - Baqytjan Saǵyntaev
ASTANA. QazAqparat - Talantty sportshylar aýyldan shyǵady. Mundaı pikirdi búgin buqaralyq sportty damytý máseleleri qaralǵan Úkimettiń selektorlyq rejımdegi otyrysynda Premer-Mınıstr Baqytjan Saǵyntaev bildirdi, dep habarlaıdy QazAqparat.
«Ótken aptada ǵana Qazenerdjı aıasynda Islandııanyń burynǵy Prezıdentimen kezdesken edim. Eýropa chempıonatynan keıin shaǵyn ǵana Islandııa memleketiniń sporttyq jetistikteri jıi aıtylýda. Men odan mundaı jetistikke qalaı jetkendikteri jaıynda qyzyǵýshylyq tanytqan edim. Ol árbir kishkentaı eldi mekendi sport zaly bar ekendigin aıtty. ıAǵnı, talanttar tek qana úlken qalada emes barlyq jerde de bar. Ózimiz de kórip otyrmyz. Kúres bolsyn, boks bolsyn aýyldyń qarakóz balalary qalaǵa kelip, jarystarǵa qatysyp, álem, Olımpıada chempıondary bolyp jatyr. Solardyń kózin taýyp ákeletin ol - bapkerler», - dedi Úkimet basshysy.
Sonymen qatar ol talantty bapkerler bolýy úshin olardyń jalaqysy joǵary bolýy kerektigin atap ótti.
«Olarda ynta bolýy qajet. ıAǵnı, balalarymyzdy kishkentaı kezinen sportqa baýlý úshin keshendi ádister kerek. Al ol úshin sport mektepter, qural-jabdyqtar, zaldar kerek ekendigi sózsiz. Sonda biz zor sporttyq jetistikterge jetemiz. Taıaýda biz múldem basqa deńgeıdegi bapkerlerdi daıyndaý máselesin qarastyrǵan edik. Olar - sporttyq medıtsına, sporttyq psıhologııa. Munyń bárin keshendi qarastyrǵan jón. Sondyqtan biz bul baǵyttaǵy jumystardy jalǵastyrymyz kerek. ákimderden bul máseleni baqylaýdy ustaýdy ótinemin. Jalpy, bul rette sheshilmeıtin másele joq. Osy ispen aınalysý qajet», - dedi Baqytjan Saǵyntaev.
