Talanttar shoýyna 79 jastaǵy ájeı qatysty - VIDEO
ASTANA. QazAqparat - Brıtanııanyń tanymal Britain's Got Talent teleshoýynyń kórermenderi men tóreshileri «Peddı»degen laqap atpen shyqqan 79 jastaǵy Sara Djonstyń ónerine tánti boldy, dep habarlady interfax.by.
Bul áıel - álemdegi salsa oryndaýdan eń egde jastaǵy adam. Ol shoýǵa kásibı bıshi Nıkomen kelgen jáne olardyń nomeriniń barlyǵyn tań qaldyrǵany sondaı, tipti tóreshilerdiń biri ústeldiń astynan biraq shyqty.
Talanttar shoýy búkil álemniń nazaryn aýdarýda. Sebebi onda shynymen kútpegen jáne tań qalarlyq jańalyqtardy kórýge bolady. Bul jaǵdaıdaǵy tańdandyratyny - bıleýge shyqqan áıeldiń jasynda, ol 1934 jyly týǵan, 1 shildede 80-ge tolady.
Sara Djonstyń tórt balasy, jeti nemeresi jáne bir shóberesi bar. Ol bıge eki jarym jasynan bastap áýes bolǵan. Turmysqa shyqqan soń, jubaıy onyń bımen aınalysýyna qarsy bolǵan. Jary ómirden ótken soń, Peddı Djons óziniń súıikti isine - bı ónerine qaıtyp keldi.
