Tal túbinen tabylǵan bala oqıǵasy: Muhammed ózin ákesi urmaǵanyn aıtty
ALMATY.QazAqparat - Áleýmettik jelilerde aǵash túbinen tabylǵan 4 jasar balanyń beınejazbasy jarııalandy. Mýhammed basyna qalaı zaqym kelgenin anasyna ısharamen túsindirgen, dep habarlaıdy QazAqparat tilshisi.
Beınejazbada Mýhammed anasynyń qoıǵan suraqtaryna jaýap beredi. Ol ózin ákesi taspen urmaǵanyn tuspaldap, kólik qaqqanyn kórsetedi.
Sondaı-aq, vıdeoda Mýhammedtiń úıinde balalarmen oınap otyrǵanyn kóre alamyz.
Buǵan deıin onyń aýrýhanadan shyqqanyn, jańdaıy jaqsaryp úıine jiberilgenin habarlaǵan bolatynbyz.
Eske sala ketsek, jantúrshigerlik oqıǵa 16 shilde kúni Almatydaǵy shyǵys aınalma jolyna jaqyn Brıanskaıa kóshesinde bolǵan. 4 jasar bala qan josa bolǵan kúıinshe tal túbinen tabylǵan edi.
Keıin ony urǵan óz ákesi ekeni anyqtalyp, kúdikti qylmysyn moıyndaǵan.
