«Talgodaǵy» zorlyq isi: Sot sheshimi ózgerdi
QOSTANAI. QazAqparat – Búgin Qostanaıdyń №2 qalalyq sotynda «Tulpar-Talgo» poıyzynda aqtóbelik boıjetkendi zorlaǵan eki jolserikke úkim oqyldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
«Sot úkimimen poıyz jolserikteri Qolqanat Qurmanııazov pen Jetes Úmbetálıev QR QK 120-babymen 5 jylǵa bas bostandyǵynan aıyryldy. Olar jazany qylmystyq atqarý júıesiniń qaýipsizdik deńgeıi ortasha mekemesinde óteıdi», - deıdi vedomstvonyń baspasóz qyzmetindegiler.
Aıta keteıik, osy jyldyń 26 shildesi kúni Jetes Úmbetálıev pen Qolqanat Qurmanııazov sot úkimimen QR QK 120-babynyń 1-bóligine sáıkes 2 jyl 6 aı merzimge bas bostandyǵynan aıyrylǵan.
Eske salsaq, «NeMolchıKZ» qoǵamdyq qorynyń basshysy Dına Smaılovanyń Facebook paraqshasynda jazýynsha, 26 qyrkúıek kúni keshki saǵat 10-dar shamasynda boıjetken «Talgo» poıyzynyń kýpesine otyrady. Kýpe ishinde bir er adam bolǵan. Zattaryn qoıyp, poıyz meıramhanasynyń ashanasynan tamaqtanyp kelnen kezinde kýpe ishinde arnaıy forma kımegen jolserik otyrady. Ol áýelgi er adamdy basqa kýpege aýystyryp jibergenin aıtady. Qyz uıqysy kelgenin túsindirip, jolserikten kýpeden shyǵýyn ótinedi. Syra iship otyrǵan jolserik tek jarty saǵattan soń shyǵyp ketken. Alaıda tańǵy saǵat 04:00 shamasynda jolserik boıjetken jatqan kýpege óz kilti arqyly ashyp kiredi. Munan soń aram oıyn iske asyrady. Іzinshe ekinshi jolserik te kelip, boıjetkendi zorlaǵan.
