«Talgoda» qyz zorlaǵan jolserikterge shyǵarylǵan úkimniń zańdylyǵyn prokýratýra tekserýde

NUR-SULTAN. QazAqparat – Prokýratýra Aqtóbege bara jatqan «Talgoda» qyz zorlaǵan burynǵy jolserikterge shyǵarylǵan úkimniń qanshalyqty zańdy ekendigin tekserip jatyr. Bul týraly bas kólik prokýrory Ernat Sybanqulov málim etti, dep habarlaıdy QazAqparat tilshisi.

«Nurly jol – Aqtóbe» baǵytymen bara jatqan №98 poıyzdyń vagonynda bolǵan qyz zorlaý deregi boıynsha qylmystyq iske qatysty Bas kólik prokýratýrasy mynany málimdeıdi: sottaǵy jaryssóz kezinde prokýror aıyptaýdy tolyǵymen qoldady ári aıyptylarǵa 6 jyl 6 aı merzimge bas bostandyǵynan aıyrý jazasyn belgileýdi surady. Sot basqasha sheshim qabyldady. Qazirgi kezde sottyń úkimi zańǵa saı nemese qaıshy ekendigi jáne onyń negizi tekserilip jatyr», - dep jazdy E. Sybanqulov Facebook-tegi paraqshasynda.

Eske sala keteıik, burynǵy jolserikter Qolqanat Qurmanııazov pen Jetes Úmbetálıevke 2 jyl da 6 aı merzimge bas bostandyǵynan aıyrý jazasy berilgen bolatyn.