«Taqtar oıyny» serıalynda oınaǵan akter Iohan Fılıp Asbek elordaǵa keledi
NUR-SULTAN. QazAqparat - 31 mamyr men 2 maýsym aralyǵynda elordada Ortalyq Azııadaǵy alǵashqy Comic-Con halyqaralyq festıval-kórmesi ótedi. Bul jaıynda Nur-Sultan qalasy ákiminiń orynbasary Málıka Bekturova Telegram-daǵy paraqshasynda jazdy, dep habarlaıdy QazAqparat tilshisi.
«Pop-mádenıet jankúıerleri ǵylymı-fantastıkalyq fılmder, serıaldar, komıkster, anıme men manga álemindegi basty tusaýkeserlerdi tamashalaı alady. Festıvalge Marvel, Cartoon Network telearnasy, Nickelodeon telearnasy, Sony Pictures Television stýdııasy, Wargaming kompanııasy («World of Tanks» oıynymen) jáne NVO telearnasy («Taqtar oıyny» serıalynyń stendimen) sııaqty álemdik brendter qatysady. Hedlaıner «Taqtar oıyny» serıalynyń sońǵy maýsymynyń akterleriniń biri, Eýron Greıdjoı rólin somdaýshy - Iohan Fılıp «Pılý» Asbek bolmaq», - dep jazdy ol.
Munan basqa, ákim orynbasarynyń atap ótýinshe, tanymal qazaqstandyq «Ninety One» Q-pop toby festıvaldiń jabylý saltanatynda óner kórsetedi. Sonymen qatar is-sharaǵa Qazaqstan men TMD elderinen 30-dan astam blogerler men kospleerler keledi. Al avtorlar alleıasynda 50-den astam komıks-baspashy, ıllıýstrator men sýretshi bas qosady.
Comic-Con - negizi 1970 jyldarda AQSh-ta qalanǵan, jyl saıyn ótetin halyqaralyq festıval. Qazirgi tańda Comic-Con-da jeti júzge jýyq túrli is-sharalar ótedi. 350-den astam pop-mádenıet kópshiliktiń nazaryna usynylady.
