«Taqtar oıynynyń» juldyzy jańa jobasy týraly aıtty
ASTANA. KAZINFORM — Danııalyq akter Nıkolaı Koster-Valdaý qazir jańa fılmniń túsirilimine qatysyp jatqanyn aıtty.
Comic Con Astana 2026 aıasynda ótken baspasóz máslıhatynda akter aldaǵy shyǵarmashylyq jospary jaıynda sóz qozǵady.
— Qazir rejısser Rık Roman Vomen birge jańa fılm túsirip jatyrmyz. Buǵan deıin de onymen birge jumys istedim. Onyń Shot Caller fılmi men úshin eń mańyzdy týyndylardyń biri. Sondyqtan bul joba da erekshe bolady dep oılaımyn, — dedi Nıkolaı Koster-Valdaý.
Akter jańa fılmi týraly ázirge tolyq aqparat bere almaıtynyn jetkizdi. Degenmen bul joba ózine erekshe jaqyn ekenin atap ótti.
Sondaı-aq ol qazir stsenarııdiń qyzyqty bolǵanynan buryn, aıtary bar týyndylardy tańdaýǵa mán beretinin jasrmady.
— Men úshin fılmniń jaı ǵana qyzyq bolǵany jetkiliksiz. Onyń kórermenge oı salǵanyn, belgili bir máseleni kótergenin qalaımyn. Sondyqtan osyndaı jobalarǵa qatysýǵa tyrysamyn, — dedi akter.
Buǵan deıin Comic Con Astana 2026 festıvaliniń qonaǵy, danııalyq akter Nıkolaı Koster-Valdaý Qazaqstanǵa alǵashqy sapary jaıly áńgimelegen edi.
