«Taqtar oıynynyń» juldyzy Qazaqstan týraly áserimen bólisti
ASTANA. KAZINFORM — Comic Con Astana 2026 festıvaliniń qonaǵy, danııalyq akter Nıkolaı Koster-Valdaý Qazaqstanǵa alǵashqy sapary jaıly áńgimeledi.
«Taqtar oıyny» serıalyndaǵy Djeıme Lannıster rólimen tanylǵan akter Qazaqstannyń keńdigine, ulttyq taǵamdaryna jáne elordanyń kórikti oryndaryna tánti bolǵanyn aıtty.
— Qazaqstanǵa alǵash ret kelip otyrmyn. Mundaǵynyń bári qatty unady. Elderińiz keń-baıtaq eken. Ásirese ulttyq taǵamdaryńyz unady. Sonyń ishinde ettiń dámi erekshe eken. Tipti osy bir kúnniń ózinde sońǵy úsh jylda jegenimnen de kóp et jep qoıǵan shyǵarmyn, — dep kúldi akter.
Sondaı-aq akter Báıterek monýmentine kóterilip, dástúr boıynsha alaqanyn qoıǵanyn jetkizdi.
— Báıterektiń tóbesine kóterilip, alaqanymdy qoıdym. Sol jerde tilek te tiledim. Biraq qandaı tilek tilegenimdi aıtpaımyn, ol — qupııa. Bir ǵana nárseni aıta alamyn: Qazaqstanǵa taǵy da oralǵym keledi, — dedi Nıkolaı Koster-Valdaý.
Eske salaıyq, búgin elordada Comic Con Astana 2026 festıvali bastaldy.
