Taksomotor qyzmetine memlekettik retteý tetigin engizý qajet - Qurmanov
ASTANA. QazAqparat - Taksomotor qyzmetine memlekettik retteý tetigin engizý qajet. Bul týraly búgin Astana qalalyq kásipkerlerdi qorǵaý keńesiniń 17-shi otyrysynda qalalyq tasymaldaýshylar qaýymdastyǵynyń tóraǵasy Medet Qurmanov aıtty.
Onyń sózine qaraǵanda, resmı tasymaldaýshylar men zańsyz naryq arasyndaǵy aıyrmashylyq óte joǵary. Máselen, resmı tasymaldaý 16 paıyz bolsa, qalǵany, shamamen 84 paıyzyn kóleńkeli sektordyń enshisine tıip otyr.
«Bul saladaǵy ahýal osylaı bolyp tur. Sebebi, taksomotor naryǵyn memleket tarabynan retteý joq. Barlyq damyǵan elderde taksomotor qyzmetiniń qalyptasýyn, damýyn memlekettik qoldaý arqyly súıemeldep otyrady», - dedi qaýymdastyq tóraǵasy.
M.Qurmanovtyń aıtýynsha, búginde elorda halqynyń 3-4 paıyzy taksı qyzmetine júginedi.
«Qalada táýligine shamamen 20 myń tapsyrys oryndalady. Bir sapardyń ortasha quny myń teńgeni quraıdy. Osylaısha, bul naryqtyń 1 aıdaǵy kólemi shamamen 600 mln. teńgege jetken. Demek, jergilikti bıýdjet taksomotor qyzmetinen salyqtar men tólemder túrindegi óte úlken mólsherdegi qarjydan qaǵylyp otyr», - deıdi ol.
Sonymen qatar ol, resmı tasymaldaýshylardyń zańnama talaptaryn oryndaı otyryp, zor shyǵynǵa batyp jatqandyǵyn jáne zańsyz jolaýshylar tasymaldaýshylarmen básekeles bola almaıdy.
«Búgingi ekonomıka bir kóliktiń ótelimdiligi 5-6 jyldy quraıtyndyǵyn kórsetip otyr. sondyqtan da barlyq kompanııalar birdeı tótep bere almaıdy», - dedi ol.
