Taksıster dinı ýaǵyz aıtýdy shyǵardy - Din isteri mınıstrligi
ASTANA. QazAqparat - Din isteri jáne azamattyq qoǵam mınıstrligi san alýan qaıyrymdylyq qorlary men til kýrstaryn jamylyp, dinı qyzmet júrgizý áreketterin anyqtady. Tipti, taksıster de ýaǵyz aıtýdy shyǵardy. Ondaı áreketter zańǵa qaıshy, dep xabarlaıdy QazAqparat tilshisi.
«Mysaly, ondaı jaǵdaılar taksılerde jıilenip ketti. Keıbir taksıster ýaqytty paıdalanyp, dinı ýaǵyz-nasıxat áńgimelerin aıtady eken. Ol - zańǵa qaıshy áreket. Sondyqtan bundaı faktiler bolsa, quqyq qorǵaý organdaryna nemese bizge xabarlasýǵa bolady», - deıdi Din isteri jónindegi komıtettiń basshysy Baqytjan Kúlekeev búgin Astanada ótken baspasóz máslıxatynda.
Onyń aıtýynsha, búginde qaıyrymdylyq uıymdary men til kýrstaryn ótkizemiz dep, dinı qyzmetpen aınalysatyndar da bar. Tirkeýden ótpegen ondaı uıymdardyń qyzmeti de zańsyz bolyp sanalady.
Aıta keteıik, «Dinı qyzmet jáni dinı birlestikter týraly» zańdy túsindirýge arnalǵan búgingi baspasóz máslıxatynda Berik Aryn destrýktıvti aǵym ókilderiniń ımamdarmen daýlasyp, meshitke kelýshilerdi qorqytyp jatqanyn jetkizdi. Osy oraıda ol dereý polıtsııaǵa xabarlasýǵa keńes berdi. Sebebi ondaı áreketter zańmen qýdalanady.
Vıtse-mınıstr «Memlekettik qyzmetshilerge juma namazyna barýǵa ruqsat bar ma?» degen suraqqa jaýap berdi.
Sondaı-aq ol namazxanalardyń jabylý sebebin túsindirip berdi.
