Taksıst sirke sýymen jolaýshyny tunshyqtyryp, tonap ketti - Almaty oblysy
TALDYQORǴAN. QazAqparat - Almaty oblysynda taksı júrgizýshisi jolaýshyny sirke sýymen tunshyqtyryp, tonap ketti. Saldarynan jábirlenýshiniń murnynyń tusy kúıip qalǵan, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, oqıǵa Qarasaı aýdanynda bolǵan. Maýsymnyń 11-i kúni 29 jastaǵy áıel polıtseılerge aryzdanǵan. Aıtýynsha, belgisiz taksı júrgizýshi onyń tynys alý jolyn hımıkattyń ıisi múńkigen shúberekpen tunshyqtyryp, tonaǵan. 5-6 myń teńgedeı aqshasy men uıaly telefonynan aıyrylǵan jábirlenýshiniń tynys alý joldary kúıip qalǵan.
«Jedel izdestirý barysynda Qarasaı aýdanynyń polıtseıleri barlyq beıne baqylaý kameralaryn tekserdi. Kóliktiń markasy anyqtaldy. Jábirlenýshiniń aıtýy boıynsha fotorobot ázirlenip, kúdikti qolǵa tústi. Ol - 23 jastaǵy kórshi Іle aýdanynyń turǵyny bolyp shyqty. Qazir kúdikti ustalyp, qamaýǵa alynǵan», - dep málimdedi atalǵan vedomstvo qyzmetinen.
Jábirlenýshi ózin tonaǵan kúdiktini birden tanydy. Anyqtalǵandaı, taksı júrgizýshisi áıeldi sirke sýyna malynǵan shúberekpen tunshyqtyrǵan.
