Taksımen júrgen: Elordada dúken men dárihanany tonaǵan ury ustaldy
NUR-SULTAN. QazAqparat – Dúken men dárihanadan urlyq jasady degen kúdikpen 26 jastaǵy azamat ustaldy, dep habarlaıdy QazAqparat Nur-Sultan qalasy PD baspasóz qyzmetine silteme jasap.
Belgili bolǵandaı, jas jigit qala ishinde taksımen júrgen. Júrgizýshige jaqsy aqsha tóleıtinin aıtyp, aldyn ala josparlaǵan jerlerge barǵan.
Birinshi ret ol dúkennen 80 myń teńgege azyq-túlik urlap shyqqan.
Ekinshi ret dárihanadan urlyq jasaǵan. Júrgizýshige kúte turyńyz dep, kúdikti plastık terezeni ashyp, 50 myń teńgeni jáne kassalyq apparatty urlaǵan.
Eki ret urlyq jasaǵan jas jigit ony úıine alyp barýyn suraǵan.
Polıtsııa qyzmetkerleri jedel-izdestirý is-sharalaryn júrgizgen kezde kúdikti anyqtalyp, ustaldy. Jaýap alý barysynda ol eki urlyq jasaǵanyn moıyndady.
Polıtsııa qyzmetkerleri dárihananyń kassalyq apparattyn ıesine qaıtardy.
Ustalǵan azamat ÝUI-ǵa qamaldy. Sotqa deıingi tergeý amaldary júrgizilýde.
