Taksımen 69 myń shaqyrym júrip ótip, Gınnes rekordtar kitabyna endi
ASTANA. 12 mamyr. QazAqparat - Aǵylshyndyq bir top adam taksı kóligimen júrýden eń uzaq saıahat jasady.
Pol Archer, Djonno Ellıson men Lı Pernell kólikpen 69 myń shaqyrymnan astam jerdi júrip ótti. Olardyń sapary bir jyl úsh aıǵa sozyldy, osy ýaqyt ishinde tórt qurylyqtyń 50 memleketinde bolyp úlgerdi, dep habarlady BBC News.
Jýrnalıstermen áńgimelesý kezinde Archer, taksımen saıahatqa attaný ıdeıasy 4 jyl buryn kelgendigin aıtty. Nátıjesinde Archer, Ellıson men Pernell jumystarynan óz erikterimen shyǵyp, eBay onlaın-aýktsıonynda eski taksı kóligin satyp aldy. Olar saıahatqa barlyǵy 80 myń fýnt sterlıng (90 myńnan astam eýro) jumsady.
Aǵylshyndyqtar úılerine 2012 jyldyń 11 mamyrynda oraldy. Londonda olardy birneshe ondaǵan astanalyq taksıshi qarsy aldy. Gınnestiń rekordtar kitaby Archer, Ellıson men Pernelldiń saparyn taksı kóligimen jasalǵan eń uzaq saıahat dep tanydy.
