Taksı júrgizýshisin urǵan jolaýshylar 15 kúnge qamaldy
ALMATY. KAZINFORM — Almaty qalasynyń sotynda taksı júrgizýshisi jolaýshylar arasyndaǵy qaqtyǵysqa qatysty eki is qaraldy.
Áleýmettik jelide oqıǵanyń beınejazbasy taraǵan bolatyn. Onda eki jolaýshynyń júrgizýshiniń kólik ishinde temeki shekpeý týraly ótinish elemeı, dórekilik kórsetip, oǵan soqqy jasaǵanyn kórýge bolady.
Sot júrgizýshini urǵan azamatty QR Qylmystyq kodeksiniń 109-1-baby 1-bóligimen (densaýlyqqa jeńil zııan keltirý) kináli dep tanyp, 12 táýlikke qamaqqa alýdy jáne jábirlenýshiniń azamattyq talabyn ishinara qanaǵattandyryp, 100 000 teńge mólsherinde moraldyq shyǵyn óndirýdi sheshti.
Ekinshi jolaýshy kóliktiń aldyndaǵy ornynda otyryp, júrgizýshimen taǵy da qaqtyǵysqa túsip, balaǵat sózder qoldanǵan. Ol QR Ákimshilik quqyq buzýshylyq kodeksiniń 434-baby 1-bóligimen (kishigirim buzaqylyq) jaýapqa tartyldy. Sot K.-ǵa 15 táýlikke ákimshilik qamaý jazasyn taǵaıyndady.
Eki sot aktisi zańdy kúshine engen joq.
Eske salaıyq, Almatyda jedel járdem kóligine jol bermegen júrgizýshi jaýapqa tartylǵanyn jazǵanbyz.