Taksı júrgizýshisiniń jelaıaqtar tobyn qalaı japyra qaqqany vıdeoǵa túsip qaldy
ASTANA. QazAqparat - Qytaıdyń soltústigindegi Shandýn provıntsııasynda apat saldarynan bir adam qaza taýyp, ekeýi jaralandy.
Oqıǵa 10 shildede tańerteń ertemen Shandýn provıntsııasyndaǵy Lını qalasynda bolǵan. Apat saldarynan bir adam ajal qushyp, ekeýi jaralanǵan. Taksı rýlinde áıel bolǵan. Ol ustaldy.
Qytaıda kóptegen adamdar keleńsiz jaǵdaıǵa tek taksı júrgizýshisi ǵana emes, júgirýdi uıymdastyrýshylar da kináli dep esepteıdi. Olardyń pikirinshe, eshqandaı eskertýsiz trassada osyndaı sharany ótkizgender jazalanýy tıis.
