Taksı júrgizýshisine qaraqshylyq shabýyl jasaǵan 4 qylmysker qolǵa tústi
ASTANA. 22 aqpan. QazAqparat /Aınur Kenebaeva/ - Aǵymdaǵy jyldyń 15 aqpanynan 16 aqpanyna qaraǵan túnde taksı júrgizýshisine pyshaqpen qoqan-loqqy kórsetip,
qaraqshylyq shabýyl jasaǵan 4 qylmysker ustaldy.
Bul jóninde búgin baspasóz máslıhaty barysynda Astana qalasy Іshki ister departamenti Tergeý basqarmasynyń bastyǵyǵynyń orynbasary Talǵat Jumanov habarlady.
Talǵat Jumanovtyń málimdeýinshe, qylmyskerlerdiń josparynda jábirlenýshiniń avtokóligin ıemdený bolǵan. Júrgizýshi mashınasyn tastap, kóshe boıymen qashyp qutylmaq bolǵan sátte patrýldik kólikke jolyqqan. Nátıjesinde polıtsııa qyzmetkerleri tonaýshylardyń izine túsip, qylmyskerlerdiń birin qolǵa túsiredi, qalǵan úsheýi izin jasyryp úlgeredi.
«Jol polıtsııasy saqshylary men Astana qalasy Іshki ister departamenti Tergeý basqarmasy qyzmetkerleriniń birlesken izdestirý sharalary nátıjesinde jábirlenýshiniń uıaly telefonyn qoldy etken qylmyskerlerdiń barlyǵy tutqyndalyp, olardyń ústinen QR Qylmystyq kodeksiniń 179 - baby boıynsha qylmystyq is qozǵaldy», - dedi Talǵat Jumanov.
