Taksı júrgizýshisi jolaqysyn tólemegen klıentti sabap óltirdi
ASTANA. QazAqparat - Reseıdiń Kemerovo oblysynda taksı júrgizýshisi jol aqysyn tóleı almaǵan jolýshyny soqqyǵa jyǵyp óltirdi, dep jazady sibdepo.ru aqparattyq portaly.
Tergeýshilerdiń aıtýynsha, Kýzbasta taksıge otyrǵan jolaýshy úıine jetkende esep aıyrysýǵa aqshasy jetpeı, qaıǵyly oqıǵaǵa dýshar boldy. Naqtyraq aıtqanda, jolaýshy taksı júrgizýshisine aqshasy jetpeı turǵanyn, úıine jetkende kórshisinen qaryz alyp beretinin aıtqan. Alaıda, kórshisi aqsha bermeıdi, osydan keıin ol taksı júrgizýshisinen qashyp úıine tyǵylǵan. Ashýa býlyqqan júrgizýshi úıine baryp, qashqyndy ólimshi etip sabaǵan. Qatty soqqy jegen jábirlenýshi týystarynyń jedel járdem shaqyrtýymen aýrýhanaǵa jetkizildi. Alaıda, birneshe kúnnen soń ol aýrýhanada kóz jumǵan.
Reseı Federatsııasynyń Kemerovo oblysy boıynsha Tergeý komıtetiniń tergeý organdary Osınnıkı qalasynyń 36 jastaǵy turǵynyna qatysty qylmystyq is qozǵady. Endi taksı júrgizýshisi sot aldynda jaýap beredi.
