Taksı júrgizýshisi klıentin dárimen uıyqtatyp, aqshasyn, kompıýterin, skrıpkasyn alyp ketken
ASTANA. QazAqparat - Máskeýde óz jolaýshysyn tonaǵan zańsyz taksı júrgizýshi ustaldy. Er adam klıentine dári qosylǵan syra berip, ol uıyqtap qalǵan kezde, planshetti kompıýter men skrıpkasyn jymqyryp ketken.
Barnaýyldan kelgen qonaq Lenıngrad dańǵylyndaǵy aýrýhanadan tabyldy. Ol uıqydan kelesi kúni bir-aq oıanǵan, dep habarlady "Vestı FM" radıosy.
Sońynan zardap shegýshi polıtseılerge taksıdi Planernaıa metrosynan ustaǵanyn aıtqan. Taksı júrgzýshi nemeresiniń týǵan kúniniń qurmetine buǵan syra ishýdi usynǵan. Kúdikti birneshe saǵattan keıin Fomıcheva kóshesinen tabyldy. «Qaraqshylyq» baby boıynsha qylmystyq is qozǵaldy. Polıtsııa júrgizýshi taǵy qansha klıentin ýlaǵany jaıly anyqtaýda.
