Taksı júrgizýshisi aqshasy jetpegen stýdentti jalańash júgirýge májbúrlegen
ASTANA. 4 qazan. QazAqparat - Ýkraınanyń Ternopol qalasynda taksı júrgizýshisi aqysyn az tólegen jolaýshy stýdentti kóshede jalańash júgirýge májbúrlegen.
Bul týraly BAQ.KZ jazady.
Túngi klýbtan keshtete shyqqan stýdent taksı toqtatyp, baratyn jerin naqty túsindire almaıdy. Biraq basyn aıtsań aıaǵyn ózi taýyp baratyn taksı júrgizýshisi meken-jaıdy tappaı áýrege túsedi. Túngi klýbtan masań kúıde shyqqan jolaýshyny uıqysynan oıatyp, 92 grıven suraıdy (shamamen 2 myń teńgege jýyq aqsha). Stýdent qaltasynan bar-joǵy 50 grıven shyǵarady. Ashýǵa mingen júrgizýshi dostaryn shaqyryp, stýdentti kúshtep júk salatyn orynǵa salady. Sodan túngi klýbtyń avtoturaǵyna baryp, jalańash júgirýge májbúrleıdi. Túngi klýbtan shyqqandar arasha túsýdiń ornyna uıaly telefonyna túsirip, qyzyq kóredi. Taksı júrgizýshisi 50 grıvenin alyp, aıfonyn qosa jymqyrady. Al stýdenttiń tanysy kezdesip,kómek berip, úıine jetkizip salady.
Ertesine stýdentti jábirlegen taksı júrgizýshi ustalyp, urlyq jasady, adamǵa jábir kórsetti degen aıyppen ústinen is qozǵalǵan.
