Taksı parkteri kólikterin balalardyń arnaıy oryndyqtarymen jabdyqtaýǵa kirisip jatyr
ASTANA. QazAqparat - Jańa jol júrý erejesine sáıkes taksı kólikterinde balalardyń arnaıy oryndyqtaryn alyp júrý mindetteledi.
Osy oraıda «QazAqparat» agenttigi elordalyq taksı parkteri arasynda saýalnama júrgizip, bul zańnamalyq normaǵa baılanysty birqatarynyń pikirin bildi.
Jalpy alǵanda, taksı parkteriniń basshylyǵy kólikterin balalarǵa arnalǵan arnaıy oryndyqtarmen jabdyqtaýǵa kirisetindigin aıtýda. Al kóshedegi jeke taksı júrgizýshileriniń keıbiri kólikterde atalǵan oryndyqtardy ornatý qajet emes degen de pikir bildiredi.
Astanadaǵy «Jolbarys» taksı parkiniń basshysy Seıilhan Zapenuly kólikterdi balalar oryndyqtarymen áli tolyq jabdyqtap úlgermegenin atap ótti. «Biz qazirgi kezde bul máselemen aınalysýdamyz. ıAǵnı, oryndyqtardy kólikterge birjola satyp alýdy zerdelep jatyrmyz»,-deıdi ol.
Al «City» taksı parkiniń ákimshisi Álııa Ordabaevanyń aıtýynsha, parktegi 70 kólikti balalar oryndyqtarymen jabdyqtaý júrip jatyr. «Ázirge, júrgizýshiler tarapynan narazylyq bolǵan joq. Bul birinshi kezekte balalar qaýipsizdigine baılanysty ǵoı»,-dep atap ótti ákimshi.
Budan bólek, ózin Azamat dep tanystyrǵan jeke taksı júrgizýshisi atalǵan oryndyqtardy ornatqansha, kóshelerde jyldamdyq ólshegish quraldardy kóptep ornatý kerektigin, sondaı-aq polıtsııa qyzmetkerleriniń sanyn arttyrý qajettigin aıtty. Onyń paıymynsha, júrgizýshiler jyldamdyqty shamadan tys asyrmasa, sol kezde balalar qaýipsizdigin qamtamasyz etýge bolady. «Jol apatynyń barlyǵy kólikterdiń jyldamdyq talaptaryn saqtamaýynan bolady. Máselen, qalada kóp balalar mektepke, túrli úıirmelerge taksımen barady. Meniń oıymsha, endi taksı júrgizýshileri balalardy otyrǵyzýdan bas tartýy múmkin. Sonymen qatar taksımen júrý quny da qymbattaýy yqtımal»,-dep túıdi ol.
Esterińizge sala keteıik, keshe Astanadaǵy baspasóz máslıhatynda QR ІІM Ákimshilik polıtsııa komıtetiniń basqarma basshysy Qanat Sádýaqasov taksıde mindetti túrde balalardyń arnaıy oryndyqtary bolýy tıis ekendigin, bul turǵyda birinshi kezekti balalardyń qaýipsizdigin qamtamasyz etýge erekshe mán berilip otyrǵandyǵyn atap ótti. Osy oraıda basqarma basshysy taksı júrgizýshisi atalǵan oryndyqtardy kóliktiń júk salǵyshynda únemi birge alyp júrýi tıis ekenin jetkizdi. Qajet bolǵan jaǵdaıda ony kólik salonynda ornatýǵa mindetti bolady.«Balalardy kólik ishinde qolda ustap otyrý qaýipti. Máselen, saǵatyna 50 shaqyrym jyldamdyqpen oryn alǵan jol-kólik apaty kezinde balanyń salmaǵy 30 esege artady. Eger balanyń salmaǵy on keli bolsa, JKO kezindegi soqtyǵysý sátinde ol 300 kelige jetedi. Osyndaı jaǵdaıda balanyń aman qalýy ekitalaı. Nemese bala kóliktiń terezesinen ushyp ketýi múmkin. Sondyqtan avtooryndyqtar qaýipsizdik úshin óte qajet», - dedi ol.
