«Taksı» fılminiń bas keıipkerine Reseıde ota jasaldy
ASTANA. QazAqparat - Máskeýde frantsııalyq akter Samı Naserıge ota jasaldy. Bul týraly QazAqparat TASS-qa silteme jasap habarlaıdy.
Gelmgolts atyndaǵy kóz aýrýlary ǵylymı-zertteý ınstıtýtynyń baspasóz hatshysy Fatıma Kochevanyń aıtýynsha, akterge aýyr ota jasalǵan.
«Akter Reseıde ota jasatýǵa sheshim qabyldady. Ol áli narkozda jatyr. Jaraqaty aýyr boldy. Dáriger otanyń sátti ótkenin aıtty», - deıdi ol.
5 tamyzda Máskeý ortalyǵyndaǵy barlardyń birinde akter qonaqtardyń birimen tóbelesip qalǵan.
Aıta keteıik, frantsııalyq akter «Taksı» fılmi arqyly áıgili boldy. Fılmniń tórtinshi bólimi kórermenge jol tartqan soń, basqa ataqty fılmderge túspedi. Esesine, Parıj polıtsııasynyń aqparattarynda onyń esimi jıi atalyp júr: 2014 jyldyń tamyzynda ol burynǵy súıiktisine shabýyldaǵan. Sol jyly naýryzda áıeline pyshaqpen ses kórsetip, ustalǵan. 2011 jyly Kann festıvalinde kafede janjal shyǵaryp, polıtseılermen tóbelesken. Sol kezde oǵan 10 myń eýro aıyppul salyndy. Oǵan deıin, 2009 jyly akter bireýge pyshaqpen shabýyldaǵany úshin bir jyl tórt aı merzimge bas bostandyǵynan aıyrylǵan. Budan tys, Naserı mas kúıinde mashına júrgizý, uryp-soǵý, buzaqylyq sekildi baptarmen de birneshe ret ustalǵan.
