«Taksı áje». Mańǵystaýda jetpisten asqan keıýana talaıdy tańqaldyryp júr
AQTAÝ. KAZINFORM — Mańǵystaýlyqtarǵa erekshe tanys taksı áje bıyl jetpis jastan asty.
Alǵash ret turmys jaıymen otbasyn asyraý úshin temir tulpardy tizgindep, kóliktiń róline otyrǵan Gúlshara Joldasbaeva Mańǵystaýdyń dúıim jurty jaqsy tanıdy. 49 jasynda nápaqa tabý úshin taksı atanǵan áje 25 jyldan beri jolaýshy tasyp júr.
Egde tartqanyna qaramastan keıýana Aqtaý qalasy Mańǵystaý aýdanynyń ortalyǵy Shetpeniń arasynda jolaýshy tasýdy búginde ózgermeıtin úrdiske aınaldyrǵan.
«Ómir bolǵan túrli jaǵdaılar adamnyń basynan ótedi ǵoı. Biraq taǵdyrdyń aýyrtpalyǵy dep qol qýsyryp otyra bergen esh adamǵa jaraspaıdy. 90-jyldary meniń otbasymdy asyraý kerek boldy. Sol ýaqytta balalarym kishkentaı edi. Ári joldasym da bolmady. Sondyqtan er adamnyń jumysyna aralasýyma amalsyz týra keldi», — deıdi taksı áje.
Gúlshara Joldasbaeva bastapqyda aýyl ishinde taksı bolǵan. Keıin Aqtaý men Shetpe kentiniń arasynda qatynaıtyn jolaýshylardy tasymaldaýǵa kóshken.
«Aýylda taksı bolyp ábden úırengen soń araǵa 4-5 jyl salyp Aqtaý men Shetpe arasynda jolaýshy tasymaldaýǵa kóshtim. Kólikke otyrarda adamdar tań qalatyn. Kóbi áıel júrgizýshi dep senińkiremeı, otyrmaıtyn. Alaıda keıin mundaı jaǵdaı sap tyıyldy», — dep eske alady qart taksıshi.
Kúnde taksı bolǵaly beri ájeniń turaqty jolaýshylar da paı bolǵan. Olardyń aldyń 15 jyldan beri Gúlshara Joldasbaeva tizgindegen kólikke otyrýdy ózderine mindet sanaıdy.
«Qansha jolda júrsem de osy kúnge deıin jol erejesin buzbappyn. Jyldamdyqty da shamadan tys asyrǵan kezim bolǵan emes. Jolaýshy úshin kúnniń ýaqytyna qaraǵan kezim bolmady. Aýrýhanaǵa, áýejaıǵa keshikken adamdardy da ýaqytynan keshiktirmeı jetkizgen kezderim boldy. Taksılikten tapqan qarjymen bala-shaǵamdy ósirdim. Tipti, kólik synǵan sátte ózim jóndeıtinmin», — deıdi Gúlshara Joldasbaeva.
Ádette taksıdi kásip qylǵandardyń qartamysy bolsa da olardyń barlyǵy aq saqaldy atalar ekeni belgili. Alaıda ózge óńirden kelgen ájeniń kóligine otyrǵan saıyn tańdanystaryn jasyra almaıdy. Ájemizdiń aıtýynsha, ol kisi Mańǵystaý aýdanyna qarasty Jyńǵyldy aýylynda dúnıege kelgen. Búginde úsh uly men tórt qyzynan týǵan 22 nemere-shóbereleri ájesine asqan zor qurmetpen qaraıdy.
Aıta ketetin jaıt, ájeı 1999 jyldan beri taksı qyzmeti úshin 6-7 ret kólik almastyrǵan. Áýelde kópshilikke «Moskvıch 412»-ni de tizgindedi. Keıin «shesterka» atymen tanymal «Jıgýlı 2106» kóligin mingen. Beri sheteldik kólikke otyryp, «Opelmen» talaı eldi jeter jerine jetkizdi. Búgindi «Toıota kamrıde» júrgen apa Gúlshara Joldasbaeva Mańǵystaýdaǵy biregeı taksı.
«Ómirde isteıtin jumystan qorqydyń qajeti joq. Bilekti sybanyp kirisseń sen almaıtyn asý qalmaıdy. Eń bastysy adamda tabys tabýǵa degen nıettiń bolýy shart. Ózińniń jumysyndy asqan mahabbatpen adal atqarsań tabysty bolaryń anyq», — deıdi taksı ájeı Gúlshara Joldasbaeva.
