«Taqsaı hanshaıymynyń» kóshirmesi Túrkistanǵa jetkizildi

TÚRKІSTAN. QazAqparat - Terekti aýdanyndaǵy Dolınnoe eldi mekeniniń mańynan tabylǵan «Altyn áıel» tarıhı jádigeri Túrkistandaǵy Uly Dala Eli ortalyǵyna qoıyldy, dep habarlaıdy QazAqparat tilshisi.

«Altyn áıel» jádigerin arheolog ıAna Luqpanova 2012 jyly qazba jumystary kezinde taýyp, álemdik sensatsııa jasaǵan edi. Qabirden áıeldiń múrdesimen birge altyn áshekeıleri, japyraqty japsyrmalary, bilezikteri tabylǵan bolatyn.

Zertteýshi-ǵalymdardyń paıymdaýynsha, Taqsaı kesheninen tabylǵan «Altyn áıel» qabiri ejelgi sarmat kezeńine tıesili. Olaı deýge áıeldiń jerlený tásili men sary metaldan jasalǵan buıymdar negiz bolǵan. Sondyqtan ony bizdiń zamanymyzǵa deıin V-VІ ǵasyrlarǵa jatqyzdy.

Taqsaı hanshaıymynyń beınesin Almaty qalasyndaǵy «Ostrov Krym» ǵylymı-qaıta qalpyna keltirý sheberhanasynyń mamandary ǵalymdarmen birlese otyryp, qaıta qalpyna keltirgen. Al, jádigerdi zertteý jumystary BQO tarıh jáne arheologııa ortalyǵynda jasalǵan.