«Taks frı» pılottyq jobasy 2026 jylǵa deıin uzartylady

ASTANA. KAZINFORM — Taýarlardy Eýrazııalyq ekonomıkalyq odaq kedendik aýmaǵynyń sheginen tys jerge áketý kezinde shet memleketterdiń azamattary sanalatyn jeke tulǵalarǵa qosylǵan qun salyǵy somasynyń ótemaqysy boıynsha pılottyq jobany iske asyrý merzimi uzartylmaq. Osyǵan qatysty Qarjy mınıstri buıryǵynyń jobasy Ashyq NQA portalynda jarııalandy.

— Osy normatıvtik-quqyqtyq aktide Eýrazııalyq ekonomıkalyq odaqqa múshe memleketterdiń aýmaǵy arqyly taýarlardy áketýdi qospaǵanda, taýarlardy Eýrazııalyq ekonomıkalyq odaqtyń kedendik aýmaǵynyń sheginen tys jerge áketý kezinde shet memleketterdiń azamattary bolyp tabylatyn jeke tulǵalarǵa qosylǵan qun salyǵy somasynyń ótemaqysy boıynsha pılottyq jobany iske asyrý qaǵıdalary jáne merzimi («taks frı» pılottyq jobasy) belgilengen, - delingen qujatta.

Joba mynadaı maqsatty kózdeıdi:

— pılottyq jobany 2026 jylǵa deıin uzartý;

— aǵymdaǵy operatorǵa balama retinde qazaqstandyq kompanııany pılottyq jobaǵa qosý;

— pılottyq jobanyń geografııasyn keńeıtý;

— bir kassalyq chektegi somany 10 eń tómengi eseptik kórsetkishke deıin azaıtý;

— Qazaqstanda týrızmdi damytý jáne qosylǵan qun salyǵyn ótemaqysy arqyly sheteldik týrısterdi tartý;

— pılottyq jobany tsıfrlandyrý mehanızmin synaqtan ótkizý.

Eske sala keteıik, buǵan deıin Jezqazǵan qalasy «Salyq keshbek» pılottyq jobasyna qosylǵanyn jazǵan edik.