«Taqııaly perishte» fılminiń jalǵasy túsiriledi
ASTANA. QazAqparat - Uly kınematograf Sháken Aımanovtyń «Taqııaly perishte» fılmi jarty ǵasyrdaı beri kórermenderdiń kózaıymyna aınalǵan kórkem týyndyǵa aınaldy. Búgingi kúnge deıin teńdesi joq komedııanyń sátti shyǵýynyń syry nede?
Ańyzǵa aınalǵan fılmniń basty keıipkerleri búgingi kúni nemen aınalysady? Bas keıipkerlerdi somdaǵan Álimǵazy Raıymbekov pen satýshy-qyz Aıshanyń (shyn esimi - Sholpan) kınodaǵy mahabbattary shynaıy ómirde jalǵasyn tapty ma, frantsýz tiliniń ustazy kınodan nege aıaqasty ketip qaldy? Túsirilim alańynan birneshe ret ketýge oqtalǵan A.Raıymbekovty Sh.Aımanov qalaı toqtata aldy? Ańyzǵa aınalǵan taqııa búgingi kúni qaıda saqtalǵan? 28 jasar geografııa pániniń muǵalimi Taılaqtyń rolin somdaǵan Álimǵazy aǵa búgin nemen aınalysady? 10 balanyń ákesi, 20 shóbere súıip otyrǵan aqsaqaldyń búgingi armany qandaı? Balalarynyń biri bolsa da nege akter jolyn qýmady, nemereleri atamyz «taqııaly perishte» Taılaq dep maqtana ma?
«Senbilik kezdesý» baǵdarlamasyna fılmniń túsirilimine qatysqan basqa da kútpegen qonaqtar keledi, dep habarlaıdy Ulttyq arnanyń baspasóz qyzmeti.
Eń basty jańalyq. «Taqııaly perishte» týyndysynyń ekinshi bólimin túsirýge daıyndyq júrgizilýde. Baǵdarlamaǵa jetispeı turǵany - aıaýly Ámına Ómirzaqova apamyzdyń kúlkisi ǵana.
48 jyldan keıin qaýyshqan bas keıipkerler túsirilim alańyndaǵy qupııalarymen Qurmanbek Jumaǵalıdiń «Qazaqstan» telearnasyndaǵy «Senbilik kezdesý» baǵdarlamasynda 11 sáýir, senbi kúni saǵat 21.00-de kórermendermen bólisetin bolady. Jiberip almańyzdar!
«Qazaqstan» telearnasynda aqpannyń sońynda jańa formattaǵy-«memýarlyq» janrdaǵy «Senbilik kezdesý» atty jańa baǵdarlama shyǵa bastady. Júrgizýshi Qurmanbek Jumaǵalı tanymal tulǵalardyń el bilmeıtin jeke ómiriniń syrlaryn ashýǵa talpynady.
