Takehıko Nakao Azııa damý bankiniń prezıdenti bolyp qaıta saılandy
ASTANA. QazAqparat - Azııa damý bankiniń (ADB) basqarýshy keńesi Takehıko Nakaony biraýyzdan uıymnyń prezıdenti retinde 5 jyl merzimge qaıta saılady, dep habarlaıdy ADB baspasóz qyzmeti.
Takehıko Nakao - ADB toǵyzynshy prezıdenti. Alǵash ret bul qyzmetke Harýkıdo Kýrodanyń ornynda, 2013 jyldyń sáýirinde úsh jarym jyl merzimge kelgen edi.
Daýys berý nátıjesi jarııalanǵan soń, Takehıko Nakao ADB Azııa-Tynyq muhıty aımaǵyndaǵy negizgi ınstıtýt retinde budan da joǵary jetistikterge jetýi úshin óziniń bar kúsh-jigerin jumsaıtyndyǵyn málimdedi.
Takehıko Nakao jumys istegen jyldary uıym eleýli ınstıtýtsıonaldyq reformalardy iske asyrdy, onyń ishinde ár elde turaqty ókildikterge aýqymdy ýákildikter berý de bar.
Takehıko Nakao jumys istegen alǵashqy jyldary bank óziniń strategııalyq basymdyqtaryn qaıta qurdy jáne nesıeleý áleýetin 2014 jyly 13 mıllıard dollardan 2020 jylǵa qaraı 20 mıllıard dollarǵa deıin kóterdi. Al 2015 jyly ADB bekitken zaımdar men granttar rekordtyq $16.3 mıllıardqa jetti.
