«TAK Astana» dzıýdo klýby I Halyqaralyq týrnırdiń jeńimpazy atandy
ASTANA. 2 qarasha.QazAqparat - Astanada ótken dzıýdodan erler arasyndaǵy I Halyqaralyq klýbtyq týrnırde «TAK Astana» kásibı dzıýdo klýby jeńimpaz atandy.
Birinshi aınalymda bizdiń dzıýdoshylar Chelıabi qalasynyń sportshylaryn 6:1 esebimen jeńdi. Ekinshi kezeńde Latvııanyń «Riga Dome» kásibı dzıýdo klýbynan basym tústi. Esep 5:2. Al fınalda ýkraındyq «City Commerce Bank Team» klýbymen kezdesti. Jeti jekpe-jektiń qorytyndysy boıynsha «TAK Astana» tórt upaıǵa ıe bolyp, jeńimpaz atandy. Qazaqstanda alǵash ret uıymdastyrylǵan dzıýdodan klýbaralyq týrnırde el namysyn Eldos Smetov, Ashat Telmanov, Azamat Muqanov, Sergeı Lım, Ertýǵan Tórenov, Dastan Úkibaev, Dáýlethan Jaqypov, Maksım Rakov, Erjan Shynkeev jáne úsh legıoner qorǵady. Olarǵa qarsy Reseı, Latvııa, Ýkraına men Qyrǵyzstannyń dzıýdo klýbtary shyqty.
Astanada ótken erler arasyndaǵy I Halyqaralyq klýbtyq týrnırdiń syıaqy qory - 100 myń AQSh dollary. Birinshi orynǵa - 50 myń, ekinshi orynǵa - 30 myń, al úshinshi oryn úshin 20 myń dollar berildi.
