Taılandtyń jańa koroli taqqa 1 jeltoqsanda otyrady
ASTANA. QazAqparat - Taılandta murager hanzada 63 jastaǵy Mahı Vachıralongkornniń 1 jeltoqsanda taqqa otyrýyna daıyndyq júrip jatyr, dep habarlaıdy QazAqparat Reuters agenttigine silteme jasap.
Bul týraly áskerı úkimettegi eki derekkóz málim etken. Olar sondaı-aq hanzada qazirgi ýaqytta jeke sharýalarymen Germanııada júrgenin, biraq qarasha aıynda qaıtyp oralatyndyǵyn atap ótti.
«Biz daıyndyq ústindemiz, 1 jeltoqsanǵa deıin barlyǵy daıyn bolady», - dedi derekkóz.
Buǵan deıin habarlanǵandaı, Ulybrıtanııada myńdaǵan taılyq dúnıeden ozǵan patsha Phýmıpon Adýlıadettiń arýaǵyna taǵzym etý úshin Trafalgarsk alańyna shyqty. Patsha Phýmıpon Adýlıadet bılik basynda eń uzaq bolǵan (70 jyl) monarh, ol 13 qazan kúni 89 jasynda qaıtys boldy.
