Taılandtyń Pattaııa qalasynda iri órt shyqty
ASTANA, 22 qazan. QazAqparat - Búgin Taılandtyń tanymal kýrorttyq qalasy - Pattaııanyń ortalyǵynda iri órt shyqty. Órt kem degende 20 turǵyn úı ǵımaratyn sharpydy.
Bul týraly ITAR-TASS habarlady.
Qurbandar men zardap shekkender týraly málimetter ázirge túsken joq. Jergilikti BAQ málimetteri boıynsha, tústen keıin qurylys materıaldary dúkeni ornalasqan tórt qabatty ǵımarat órtengen. Ol týrısterge tanymal Walking Street serýen kóshesiniń janynda ornalasqan. Órt dereý basqa ǵımarattarǵa ulasqan. Kýágerler jarylysqa uqsas dybys estigenderin aıtýda.
Taılandtyq BAQ habarlaǵandaı, órt sóndirý qyzmetteri jalyndy aýyzdyqtaýǵa tyrysýda.
