Taılandtyń ortalyq provıntsııasy alapat tasqynnyń astynda qalýy yqtımal
ASTANA. QazAqparat - Taılandtyń Bangkokke kórshi ornalasqan ortalyq provıntsııasynda sý tasqyny bolýy múmkin, delingen Taılandtyń Koroldik ırrıgatsııa departamentiniń málimdemesinde, dep habarlady sársenbi kúni jergilikti jáne sheteldik BAQ.
Tolassyz jaýǵan jańbyr sýynyń saldarynan sý qoımalarynda jańbyr sýynyń asa kóp mólsherde jınalýyna jáne soltústik taýly provıntsııalardan aǵyp keletin ózenderdiń jańbyr sýyna tolýyna baılanysty departament seısenbiden bastap qazirgi ýaqytta 90-100% toltyrylǵan sýarmaly sý aıdyndarynyń ulttyq jelisinen sýlardy shyǵarýǵa jáne aıdaýǵa kiristi, delingen habarlamada.
Osyǵan baılanysty, Chao Praııa ózenindegi sýdyń deńgeıi maýsymdyq normalardan asyp túsip, 0,8-1,5 metrge jetti. Shlıýz ashylǵannan keıin sý qoımasyndaǵy sý sekýndyna 2600 tekshe metr jyldamdyqpen aǵýda.
Eske sala ketsek, 2011 jyly Taılandtyń soltústigindegi apatty sý tasqyny saldarynan Bangkok aýmaǵynyń úshten birin sý basyp, Taıland astanasynyń ekonomıkasyna úlken zalal keltirdi.
Foto: © RIA Novostı / Vıtalıı Ankov
