Taılandtyń ejelgi astanasy sý astynda qaldy
ASTANA. 6 qazan. QazAqparat - Taılandtyń ejelgi astanasy Aıýthaı sý tasqynyynń saldarynan sý astynda qaldy, sýdyń deńgeıi eki metrge deıin kóterildi, dep habarlady Bangkok Post gazetiniń elektrondyq nusqasy.
Sondaı-aq onyń mańyndaǵy mashına jasaý óndirisi úshin elektrondyq komponentter shyǵaratyn ındýstrııalyq parkti de sý shaıyp ketti.
Aıýtthaı provıntsııasynyń kóptegen aýdandary aıdan asa ýaqyttan beri bıiktigi birjarym-eki metrge deıin sýǵa batqan, degenmen Bangkoktan 60 kılometr jerde ornalasqan 16-18 ǵasyrlardaǵy tarıhı eskertkishterdiń kópshiligi salystyrmaly túrde qaýipsiz deýge bolady. Ótken sársenbi kúni Chaopraııa ózeni Vat Chaı Vatthannaram ejelgi hramy qırandylarynyń mańynda jasalǵan qum salynǵan qaptar bógesinin buzyp ketti. On mınýttiń ishinde hram aýmaǵy jáne eki júzden astam úıler sýǵa ketti. Onyń mańyna taıaý ornalasqan 500 jyldyq tarıhy bar Pom Phet forty da osy kepke dýshar boldy.
Jańbyr maýsymynyń aıaqtalýy qazannyń ortasyna qaraı bolady dep kútilýde. Degenmen sarapshylar bıyl ádettegi merziminen buryn bastalǵan jaýyn sozylýy múmkin.
