Taılandtyń eks-premeri qamaýdan bosatyldy
ASTANA. QazAqparat - Taılandtyń burynǵy premer-mınıstri Iınglak Chınavatty áskerıler qamaýdan bosatty. Bul týraly amerıkandyq Wall Street Journal gazetinde jarııalandy dep habarlaıdy ITAR-TASS.
Buǵan deıin Chınavat áskerı bazada qamaýda otyr degen aqpar berilgen bolatyn. Qazir baspasózdiń habarlaýynsha, ol qaıtadan úı qamaýyna alyndy. Amerıkandyq CNN telekompanııasy da atalǵan aqparatty rastaǵan bolatyn. Olardyń málimdeýinshe,áskerılerdiń ókilderi Chınavatty bosatyp, oǵan tek kómek kórsetip, beıbitshilikpen tártipti saqtaýyn ótingen. Top ókilderi eks-premerge saıasat pen sherýshilerden aýlaq júrýin eskertken. Buǵan deıin habarlaǵanymyzdaı , 24 mamyrda Taılandtyń áskerı úkimeti óziniń buıryǵymen jáne áskerı jaǵdaı týraly zańǵa sáıkes eldiń senatyn taratyp jiberdi.
Senat taratylǵannan keıin, áskerı úkimet endi zańnamalyq jáne atqarýshylyq bılikti tolyq qadaǵalaıtyn bolady.
