Taılandtyń 18 provıntsııasyn sý basyp, 162 myń adam japa shekti
BANGKOK. QazAqparat - Taılandta jaýǵan nóser jańbyrdan keıin sý tasqyny bolyp, 162 myń adam zardap shekti, dep habarlaıdy TASS agenttigi.
Tabıǵı apat koroldiktiń soltústik-shyǵysyndaǵy 18 provıntsııany shaıyp ótti.
Basylymnyń málimetinshe, 2 apta ishinde sý tasqynynan 93 aýdandaǵy 2 318 aýyldyń 162,711 turǵyny zardap shekken. Tórt adam sýǵa ketip, ajal qushty.
Qazirgi tańda eldiń 10 provıntsısynda jaǵdaı bir qalypqa kelgen. Nakhonphanom, Býngkan, Sakon Nakhon, Phetchabýrı, Nakhonnaıok, Chaıaphým, Kalasın jáne Ýbon Ratchathanı provıntsııalaryn jartylaı sý basty. Atalǵan óńirlerdiń 78 myńnan astam turǵyny áli de apat saldarymen kúresýde.
