Taılandtyq dárigerler Ebola dertine qarsy tyń tásil tabatynyn aıtty
ASTANA. QazAqparat - Bangkoktaǵy Sırırat aýrýhanasynda jumys isteıtin Mahıdola hanzadasynyń atyndaǵy Ýnıversıtettiń ǵalymdary bir jyldyń ishinde Ebola indetin dárimen emdeýde jaqsy nátıjege qol jetkizetinin aıtty.
Bangkok Post habarlaǵandaı, olar jasap shyqqan emdeý kýrsy is júzinde qoldanýǵa áli jaramsyz, alaıda bir jyldyń ishinde ony naýqastardy saýyqtyrýǵa qoldanýǵa bolatynyn aıtty.
Eske sala keteıik, Batys Afrıka elderinde DDSU aqparatynsha, Ebola saldarynan 3338 adam ajal qushty. Dertke shaldyqqandardyń sany 7178 adamdy quraıdy. Olardyń 377 medıtsına qyzmetkeri. Sonyń 216-y kóz jumdy. Vırýsty juqtyrý faktileri Serra-Leone, Gvıneıa, Lıberııa, Nıgerııa, Senegal jáne Kongo Demokratııalyq Respýblıkasynda tirkeldi.
