Taılandtyń ońtústigindegi sý tasqynynan 25 adam qaza tapty

BANGKOK. KAZINFORM – Taılandtyń ońtústigindegi sý tasqynynan keminde 25 adam qaza tapty. Bul týraly Bangkok Post habarlady, dep jazady TASS.

Tabıǵı apattardyń aldyn alý jáne zardaptaryn joıý departamentiniń málimetinshe, ońtústik provıntsııalardaǵy uzaqqa sozylǵan nóser jańbyr saldarynan 3,7 myńǵa jýyq eldi mekendi sý basqan.

Tabıǵat apattan barlyǵy bolyp 660 myńnan astam úı sharýashylyǵy zardap shekti.

Sý tasqynynan zardap shekken provıntsııalar Taılandtaǵy tanymal týrıstik marshrýttardan alys ornalasqan. Zardap shekken týrıster týraly málimet joq.

Aıta keteıik, buǵan deıin Taıland pen Malaızııa sý tasqynynyń jańa tolqynyna daıyndalyp jatqany týraly jazyp edik.