Taılandtan ushyp kelgen óskemendik áıelge JRVI dıagnozy qoıyldy
ÓSKEMEN. QazAqparat – Óskemen qalasyna Taılandtan ushyp kelgen áıel jedel respıratorlyq vırýstyq ınfektsııa belgilerimen aýrýhanaǵa jatqyzylǵan bolatyn, dep habarlaıdy QazAqparat.
ShQO ákiminiń baspasóz qyzmetinen málim etkendeı, patsıent JRVI belgilerimen ambýlatorııalyq ortalyqtyń terapevtine júgingen. Anyqtalǵandaı, ol osyǵan deıin Taılandta demalysta bolǵan.
«Tekserýden ótkizilgen áıelden koranavırýs tabylmady. Medıtsınalyq mekeme qyzmetkerleri bekitilgen algorıtm men koronavırýstyq ınfektsııanyń aldyn alý jónindegi sharalardy kúsheıtý týraly jarlyqqa sáıkes áreket etti. Endi patsıent 14 kún boıy úıde karantınde bolady», - delingen málimette.
