Taılandtan oralǵan reseılik 2 azamattan maımyl sheshegi anyqtaldy

ASTANA. KAZINFORM – Aýrý juqtyrǵandar dereý juqpaly aýrýlar aýrýhanasyna jatqyzyldy. Naýqastardyń jaǵdaıy qanaǵattanarlyq dep baǵalanyp otyr, dep habarlaıdy Kazinform. 

Bul týraly Rospotrebnadzordyń Sankt-Peterbor jáne Lenıngrad oblysy boıynsha aımaqaralyq basqarmasy habarlady.

– Rospotrebnadzordyń Sankt-Peterbor jáne Lenıngrad oblysy boıynsha aımaqaralyq basqarmasy Taıland Koroldiginen týrıstik sapardan oralǵan azamattardan maımyl shesheginiń zerthanalyq rastalǵan eki jaǵdaıy anyqtalǵany týraly habardy rastady, - delingen málimdemede. 

Vedomstvoda maımyl sheshegin juqtyrǵan týrıstermen baılanysta bolǵan adamdar anyqtalyp, medıtsınalyq baqylaýǵa alynǵan. Bul týraly TASS agenttigi jazdy. 

Osyǵan deıin Máskeý túbinde maımyl sheshegin juqtyrýdyń úsh jaǵdaıy týraly habarlanǵan. Naýqastardyń biri aýrýhanadan shyǵaryldy, al ekeýi Domodedovo aýrýhanasynda em alýyn jalǵastyryp jatyr. 

Rospotrebnadzor bul jaǵdaılar anyqtalǵan soń maımyl sheshegi taralýynyń aldy alynǵanyn málimdedi. Vedomstvo atap ótkendeı, Rospotrebnadzordyń aımaqaralyq keńsesiniń mamandary epıdemıologııalyq tergeý júrgizip, epıdemııaǵa qarsy sharalardyń tolyq keshenin uıymdastyrdy. 

Olar sondaı-aq maımyl sheshegine qatysty jaǵdaı muqııat qadaǵalanyp otyrǵanyn naqtylady. Infektsııanyń Reseıde taralý qaýpi saqtalyp otyr.

Kazinform úshin arnaıy TASS seriktes agenttigi usyndy.

Osyǵan deıin Reseıde chıkýngýnıa qyzbasy anyqtalǵanyn jazǵanbyz.