Taılandtan 8,8 keli esirtki ákelmek bolǵan qazaqstandyq 16 jylǵa sottaldy
ASTANA. KAZINFORM — Almatyda Taılandtan iri kólemde esirtki tasymaldamaq bolǵan 22 jastaǵy Qazaqstan azamatshasy 16 jylǵa bas bostandyǵynan aıyryldy.
Almaty qalasynyń qylmystyq ister jónindegi mamandandyrylǵan aýdanaralyq soty ony asa iri mólsherdegi esirtki zattarynyń kontrabandasy jáne zańsyz aınalymy úshin kináli dep tapty.
— Boıjetkenniń aqshalaı syıaqy úshin Qazaqstanǵa jalpy salmaǵy 8,8 kılogramm kannabıs syǵyndysy salynǵan eki chemodandy jetkizýge keliskeni anyqtaldy. Kontrabandanyń joly ol Almaty áýejaıyna ushyp kelgen boıda birden kesildi, — delingen habarlamada.
Prokýratýra eskertedi: áleýmettik jelilerde taralatyn «ońaı tabys» pen tegin saıahat týraly usynystar jıi halyqaralyq esirtki shemalarynyń bir bóligi bolyp tabylady. Qylmystaǵy róline qaramastan, oǵan qatysý qatań qylmystyq jaýaptylyqqa ákep soǵady.
Úkim zańdy kúshine endi.
Aıta ketelik esirtki kontrabandasymen aınalysqan astanalyq 16 jylǵa sottalǵan edi.
