Taılandtaǵy jer silkinisi: Qazaqstan azamattaryna abaı bolý eskertildi
NUR-SULTAN. QazAqparat - Qazaqstannyń syrtqy ister mınıstrligi Taılandta demalyp jatqan Qazaqstan azamattaryna eskertý jarııalady, dep habarlaıdy QazAqparat vedomstvonyń baspasóz qyzmetine silteme jasap.
«Taılandtyń tabıǵı apattardyń aldyn alý jáne apattardy joıý basqarmasynyń habarlaýynsha, Ranong, Phýket, Phang-Nga, Krabı, Trang jáne Satýn atty alty ońtústik provıntsııada Úndi muhıtynda oryn alǵan eki jer silkinisi saldarynan tsýnamı bolýy múmkin. Magnıtýdasy 5 balldyq birinshi jer silkinisi 23 naýryz kúni, keshke Andaman araldarynyń janynda boldy. Birneshe mınýttan keıin Phýket provıntsııasynyń jaǵalaýynan 630 km qashyqtyqta taǵy da jer silkindi. Bul joly magnıtýdasy 5.2 ball. Sondyqtan, Taılandta demalyp jatqan Qazaqstan azamattarynan qaýipsizdik sharalaryn saqtaýdy suraımyz», - delingen habarlamada.
Tótenshe jaǵdaılar týyndaǵan jaǵdaıda QR Syrtqy ister mınıstrliginiń veb-saıtynda kórsetilgen baılanystar arqyly dereý Qazaqstannyń Taılandtaǵy Elshiligimen habarlasý kerek.
