Taılandtaǵy jasóspirimder arasyndaǵy Azııa chempıonatynda Qazaqstan quramasy 4 altyn enshiledi
ASTANA. 17 maýsym. QazAqparat - Kúres túrlerinen Taılandta jasóspirimder arasyndaǵy Azııa chempıonaty aıaqtaldy.
Jarysty aldymen grek rım kúresiniń sheberleri bastaǵan. Olardyń arasynan Ábýnasyr Ómirzaq Azııa chempıony atandy.
Keıin kilemge qyzdarymyz shyqty. 67 kelide Irına Kazýlınanaǵa shaq keler qarsylas tabylmady. Ol aldymen Hýang Chen Chı (KHDR) men úndistandyq Sıımany jarystan shyǵardy. Al fınalda ońtústik koreıalyq Kım Cho Lıden basym tústi.
63 kelide Ekaterına Larıonova da Azııa úzdigi. Ol fınalda kytaılyq Tangty jeńdi.
59 kelide Aıaýlym Qasymova qola júldege ıe boldy. Ol kishi fınalda koreıalyq Kýon Iong Jýdy utty.
72 kelide Gúlmaral Erkebaeva, asa jeńil salmaqta Zalına Japarova da qola júlde aldy.
Al erkin kúresten asa aýyr salmaqta Oleg Boltın qorjynǵa taǵy bir kúmis salyp berdi. Ol fınalda Abdýlla Gomı Abelıden utylyp qaldy.
66 kelide Bolat Saqaev Azııa chempıony atandy. Ol aldymen Vetnam balýany Ze Sao Ngo (10:2), Qytaı sportshysy Haı long Gýo (7:0) jáne ırandyq
Rahmadı Peımandy (7:0) ońaı jeńdi. Al fınalda úndis Vıkasty utty - 8:0.
84 kelide Azamat Dáýletbekov tájik Salım Hodjaevty (12:0), keıin japon Okadjımany (9:2) utyp, fınalǵa shyqqan. Biraq sheshýshi beldesýde ıran Karımachıanı Alıreza odan basym tústi (2:10).
96 kelide Ermuhamed Іnkár da kúmisti enshiledi. Ol aldymen qytaılyq Aı Hangty 7:0 esebimen, odan ári káris Han Kel Kımdi 8:0 esebimen jeńip fınalǵa shyqqanymen, úndistandyq Sýmıtten taza utyldy (0:7).
74 kelide Sáken Aıtjanovty jartylaı fınalda ırandyq Sheka Mostafa súrindirdi. Al kishi fınalda mońǵolııalyq Ýlzısaıhan Vaasanshotty jeńip, qolany qanaǵat tutty.
Osylaısha, Qazaqstan quramasy bıylǵy synnan 4 altyn, 3 kúmis, 7 qola júldemen Azııanyń úshtigine endi, dep jazady "Alaman"
