Taılandtaǵy úńgirde qamalyp qalǵan balalardyń ekeýi tabyldy - BAQ
BANGKOK. QazAqparat - Taılandtaǵy Khao Lýang úńgirinde qamalyp qalǵan 13 adamnyń ekeýi tabyldy. Olar úńgir ishinde eki apta bolǵan. Bul týraly TASS agenttigi jeksenbilik Khaosod gazetine silteme jasaı otyryp habarlaıdy.
«Úńgirden eki bala tabyldy. Olar úńgirden shyǵý úshin 4 shaqyrymdaı joldy basyp ótken», - delingen habarlamada.
Aıta ketsek, 23 maýsym kúni Taılandtaǵy ulttyq park qyzmetkerleri úńgirge kire beriste mototsıkl men velosıpedterdi, sporttyq jabdyqtardy taýyp alǵan. Olar jergilikti fýtbol komandasyna habarlasyp, ol jaqtan tabylǵan zattardyń shynynda da 11-16 jas aralyǵyndaǵy 12 mektep oqýshysyna jáne 25 jastaǵy bapkerge tıesili ekenin rastaǵan. Olar adasyp ketken úńgirdiń ishi 10 shaqyrymdyq joldarǵa bólingen. Birneshe shyǵatyn jáne kiretin bólikteri bar. Taıland bıligi úńgirde habarsyz ketken balalardy qutqarý jumystaryn júrgizip jatyr.
