Taılandtaǵy úńgirde adasqan adamdardyń barlyǵy qutqaryldy - BAQ
ASTANA. QazAqparat - Taılandta Khao Lýang úńgiriniń ishinde adasyp ketken balalardyń bárin syrtqy alyp shyqty, dep habarlaıdy QazAqparat tilshisi TASS agenttigine silteme jasap.
Spring News telearnasyna silteme jasaǵan TASS-tyń habarlaýynsha, úńgirde iz-tússiz ketken 12 bala men 1 bapker tabylǵan. Olar úńgir ishinde eki apta boıy adasyp júrgen.
Eske sala ketsek, 23 maýsym kúni Taılandtaǵy ulttyq park qyzmetkerleri úńgirge kire beriste mototsıkl men velosıpedterdi, sporttyq jabdyqtardy taýyp alǵan bolatyn. Olar jergilikti fýtbol komandasyna habarlasyp, ol jaqtan tabylǵan zattardyń shynynda da 11-16 jas aralyǵyndaǵy 12 mektep oqýshysyna jáne 25 jastaǵy bapkerge tıesili ekenin rastaǵan. Olar adasyp ketken úńgirdiń ishi 10 shaqyrymdyq joldarǵa bólingen. Birneshe shyǵatyn jáne kiretin bólikteri bar. Taıland bıligi úńgirde habarsyz ketken balalardy qutqarý jumystaryn júrgizgen edi.
Budan buryn atalǵan úńgirden 2 balanyń tabylǵanyn habarlaǵan bolatynbyz.
