Taılandtaǵy týrnırde 7 qazaqstandyq boksshy jekpe-jek ótkizedi

NUR-SULTAN. QazAqparat - Búgin Taılandtyń Phýket qalasynda bokstan halyqaralyq Thailand Open-2022 týrnırinde kezekti jekpe-jekter ótkiziledi, dep habarlaıdy QazAqparat tilshisi.

Búgin, 5 sáýirde rıngke elimizdiń atynan jeti bylǵary qolǵap sheberi shyǵady. Olar jartylaı fınal joldamasyn sarapqa salady.

Týrnırde 63 kelide Sanatálı Tóltaev qytaılyq Taıpeı elinen Chý-En Laı qolǵap túıistirse, Sultan Mýsınov vetnamdyq Vý Tan Datpen sharshy alańǵa shyǵady.

Al 69 kelide Aslanbek Shymbergenov fılıppındik Marjon Pıanarmen kezdesse, 75 kelide Tımýr Nýrseıitov úndistandyq Sýmıtpen, Aıatýlla Tákijanov taılandtyq Borvorn Kadamnýan sheberlik baıqasady.

Sondaı-aq, 91 kelide Saǵyndyk Toǵambaı vetnamdyq Ngýıen Man Kýon, Aıbek Oralbaı úndistandyq Gaýrav Chaýhanmen jartylaı fınal joldamasyna talasady.

Elorda ýaqytymen kúndizgi sessııa 12.00-de, keshki sessııa 15.00-de bastalady.

Eske salsaq, taılandtaǵy týrnırde qazaqstandyq boksshy Nurbek Oralbaı birden jartylaı fınalǵa shyǵyp, júldeger atanýǵa múmkindik aldy.