Taılandtaǵy týrnır: Qazaqstannyń tórtinshi boksshysy jartylaı fınalǵa shyqty

NUR-SULTAN. QazAqparat - Qazaqstandyq boksshy Aıbek Oralbaı shırek fınalda qarsylasyn qapy qaldyrdy, dep habarlaıdy QazAqparat tilshisi.

Ol 91 keli salmaqta úndistandyq Gaýrava Chaýhanmen qolǵap túıistirdi. Alǵashqy eki raýndta Aıbek qarsylasyn bet qaratqan joq. Tóreshiler qazaqstandyq boksshynyń sheberligin joǵary baǵalap, jerlesimiz jeńimpaz atandy.

Eske salsaq, budan buryn el quramasynan Aıatýlla Tákijanov (75 keli), Saǵyndyq Toǵambaı (91 keli) jarysty jalǵastyrýǵa múmkindik aldy.

Sondaı-aq, el quramasynan Nurbek Oralbaı jekpe-jek ótkizbesten, birden jartylaı fınalǵa shyqty.

Al, osy salmaqta el quramasynan Tımýr Nurseıitov (75 keli) úndistandyq Sýmıtke jol berip qoıdy.

Aıta ketsek, endi el quramasynan úsh boksshy keshki sessııada qarsylastarymen qolǵap túıistiredi.

Halyqaralyq týrnır 9 sáýirde aıaqtalady.