Taılandtaǵy týrnır: Qazaqstandyq jeti boksshy jartylaı fınalǵa shyqty

NUR-SULTAN. QazAqparat - Taılandtyń Phýket qalasynda qalasynda ótip jatqan Thailand Open-2022 týrnırinde ázirge jeti boksshy jartylaı fınalǵa joldama aldy, dep habarlaıdy QazAqparat tilshisi.

Keshki sessııada Sanatálı Tóltaev pen Sultan Mýsınov ( ekeýi de 63 keli), Aslanbek Shymbergenov (69 keli) shırek fınalda súringen joq.

Osylaısha olar jartylaı fınal joldamasyn jeteýge jetkizdi.

Aıta ketsek, búgin taǵy úsh joldamaǵa Aıatýlla Tákijanov (75 keli), Saǵyndyq Toǵambaı jáne Aıbek Oralbaı (ekeýi de 91 keli) ıe bolǵan edi.

Al Taılandtaǵy týrnırde qazaqstandyq taǵy bir boksshy Nurbek Oralbaı birden jartylaı fınalǵa shyǵyp, júldeger atanýǵa múmkindik aldy.

Sondaı-aq, el quramasynan Tımýr Nurseıitov (75 keli) shırek fınalda jarys jolynan shyǵyp qaldy.

Endi el quramasynan Sáken Bıbosynov (52 keli) pen Serik Temirjanov (57 keli) shırek jekpe-jegin ótkizedi.