Taılandtaǵy týrnır: Qazaqstandyq úsh boksshy fınalǵa shyqty
NUR-SULTAN. QazAqparat - Taılandtyń Phýket qalasynda qalasynda ótip jatqan Thailand Open-2022 týrnırinde qazaqstandyq úsh boksshy fınalǵa joldama aldy, dep habarlaıdy QazAqparat tilshisi.
Halyqaralyq týrnırde 91 kelide qos qazaqstandyq boksshy qolǵap túıistirdi. Nátıjesinde Nurbek Oralbaı otandasy Saǵyndyq Toǵambaıdyń osal tusyn taýyp, fınalǵa joldama aldy.
Al 57 kelide Serik Temirjanov jartylaı fınalda taılandtyq Rýdjakran Djýntrongty 3:2 esebimen tize búktirdi.
Sondaı-aq, 75 kelide Aıatýlla Tákijanov jartylaı fınalda qarasylasyna ese jiberip, jarystyń qola júldesin mise tutty.
Endi keshki sessııada úsh boksshymyz jarys jolyna shyǵady.
Onyń ekeýi 63 keli salmaqta ózara synǵa túsedi. Atalǵan salmaqta Sanatálı Tóltaev pen Sultan Mýsınov kezdesedi.
Taǵy bir qazaqstandyq Aslanbek Shymbergenov (69 keli) taılandtyq Atıchaı Fomsappen fınal joldamasyn sarapqa salady.
Eske salsaq, budan buryn toǵyz boksshy jartylaı fınalǵa joldama alǵanyn habarlaǵan edik .
