Taılandtaǵy QR Elshiligi ustalǵan S.Parmanovty deportatsııalaý jónindegi qujattardy resimdep jatyr
ASTANA. QazAqparat - Taıland Koroldiginiń Chonbýrı provıntsııasynda 21 shildede eldiń kóshi-qon polıtsııasy Interpol jelisi boıynsha izdeýde júrgen Qazaqstan azamaty Parmanov Syrym Arsenbekulyn ustady. 31.08.1978 jyly týǵan azamatty áıeldi zorlap óltirip, kólikti aıdap áketkeni úshin Almaty oblystyq ІІD izdeýge jarııalaǵan.
22 shildede sot otyrysy ótti. Oǵan Taılandtaǵy Qazaqstan konsýly qatysty. Sot sheshimimen Parmanov Syrym Arsenbekuly Taıland Koroldiginiń kóshi-qon erejesin buzǵany úshin aıypty dep tanydy. Oǵan 3 000 bat kóleminde aıyppul salyndy. Keıin ol bul elden shyǵarylady. Bul týraly QR SІM baspasóz qyzmetinen habarlandy.
Qazir ustalǵan kúdikti Pattaııa qalasynyń polıtsııa ýchaskesine qamaldy. Keıin Bangkok qalasynyń kóshi-qon qyzmetine tapsyrylady. QR konsýlymen kezdesken S. Parmanov deni saý, ózin jaqsy sezinetinin aıtqan.
Taılandtaǵy Qazaqstan Elshiligi elimizdiń azamatyn deportatsııalaý boıynsha tıisti qujattardy resimdeýmen aınalysyp jatyr.
