Taılandtaǵy keme apatynan 45 adam kóz jumdy

ASTANA. QazAqparat -Taılandtyń Phýket aralynda bolǵan keme apatynan 45 adam kóz jumdy, dep habarlaıdy Sınhýa.

Phýket provıntsııasynyń gýbernatory Noraphat Plotthong balyqshylardyń kómeginiń arqasynda Phýket aralynyń jaǵasynda týrıstik kemeniń apatqa ushyraýy kezinde qaza tapqan úsh adamnyń máıiti tabylǵanyn jetkizdi.  Qazirgi ýaqytqa 45 adamnyń ólimi rastaldy, iz-tússiz joǵalyp ketken eki adamnyń qaıda ekeni belgisiz.

Gýbernatordyń aıtýynsha, adam máıitteriniń tabylǵan jeri men belgileri boıynsha olardyń batyp ketken «Fenıks» kemesiniń jolaýshylary ekeni rastaldy.

Eske salaıyq, 5 shilde kúni Phýket aralynda «Fenıks» jáne «Serenata» kemeleri daýylǵa kez bolǵan. Saldarynan qısaıyp ketip, sýǵa batyp ketken. «Fenıkste» barlyǵy 101 adam bolǵan.



Foto: www.vesti.ru