Taılandtaǵy qazaqstandyq demalýshy: Qalaǵa shyǵý qorqynyshty, biraq demalysymyzdy jalǵastyrdyq
ASTANA. QazAqparat - Kýrortty Pattaııa qalasynda demalyp jatqan qazaqstandyq Taılandtyń ońtústiginde bolǵan birneshe jarylystan keıingi ahýal týraly aıtty.
«Jańalyqtardy qazaqstandyq BAQ-tan bildik. Abyroı bolǵanda, ol bizge áser etpedi. Demalyp jatyrmyz», - dedi qazaqstandyq týrıst Ilzat Safargalıev.
Otandasymyz degenmen de qalaǵa shyǵý qorqynyshty ekenin jetkizdi.
«Biz kýrortty aımaqtamyz. Ol bólek memleket sııaqty. Alaıda, qalaǵa shyǵý qorqynyshty», - dedi ol.
Aıta keteıik, QR Syrtqy ister mınıstrliginiń baspasóz qyzmeti Taılandta oryn alǵan birqatar joıqyn jarylystardan qaza tapqandar men jaraqattanǵandar arasynda qazaqstandyqtar joq ekenin buǵan deıin málim etken bolatyn.
Búgin túnde Taılandtyń ońtústiginde ornalasqan kýrorttyq aımaqtarda - Sýrat Thanı qalasynda, Phýket araly men Hýahın eldi-mekeninde birqatar jarylys oryn aldy. Aldyn ala taratylǵan málimet boıynsha, tórt adam qaza taýyp, ondaǵan adam jaralandy.
